Գերմանիայի կանցլեր Անգելա Մերկելը հեռախոսազրույց է ունեցել Ուկրաինայի նախագահ Վլադիմիր Զելենսկու հետ, որի ընթացքում երկու երկրների ղեկավարները քննարկել են Մինսկի համաձայնագիրն ու «նորմանդական ձևաչափը»: Ուրբաթ այդ մասին հաղորդել է Գերմանիայի նախարարների խորհրդի ներկայացուցիչ Շտեֆեն Զայբերտը: «Զրույցի թեման եղել է Գերմանիայի և Ուկրաինայի միջև երկկողմ համագործակցությունը, ինչպես նաև Ուկրաինայում ներքաղաքական իրավիճակը, այդ թվում` հանրապետության արևելյան շրջանում ստեղծված իրավիճակը»,- ասել է Զայբերտը: «Երկու կողմերն էլ ընդգծել են Մինսկի համաձայնագրի իրագործման անհրաժեշտությունը, ինչպես նաև իրենց հետաքրքրությունն են հայտնել նորմանդական ձևաչափով համագործակցության շուրջ: Նրանք համաձայնել են այս և այլ հարցերով պահպանել աշխատանքային շփումը»,- ասված է հաղորդագրության մեջ:
|