ՀՀ արտաքին գործերի նախարարության մամուլի խոսնակ Աննա Նաղդալյանն ամերիկյան CNN-ին տված հարցազրույցում անդարդարձել է Հայաստանի ազգային հավաքականի և Լոնդոնի «Արսենալ»-ի կիսապաշտպան Հենրիխ Մխիթարյանի՝ Եվրոպայի լիգայի եզրափակիչ հանդիպմանը մասնակցելու համար Բաքու չմեկնելուն: «Ադրբեջանական հասարակությունում և մամուլում հայերի նկատմամբ ռասիստական դրսևորումների հանդեպ հանդուրժողականությունը և անվտանգության բացահայտ ռիսկերը անհնարին դարձրեցին «Արսենալ»-ի կիսապաշտպան Հենրիխ Մխիթարյանի` իր թիմի հետ Բաքու մեկնելը: Եվրոպա լիգայի եզրափակիչը կարող էր սպորտը քաղաքականությունից տարանջատելու լավ հնարավորություն լինել Ադրբեջանի համար՝ ցուցաբերելով հանդուրժողականություն և ոչ խտրական վերաբերմունք։ Այս հնարավորությունն անդառնալի կերպով բաց թողնվեց»,- նշել է Նաղդալյանը։ |