ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+12 °C, +5 °C ... +16 °C Վաղը`+20 °C
«Այդ անհայրենիքները երեկ հարվածի տակ դրեցին Արցախը». Կարեն Հովհաննիսյան
15:45, 26.05.2019 | mamul.am
5745 | 0

Քրդագետ, ռազմական վերլուծաբան Կարեն Հովհաննիսյանը ֆեյսբուքյան իր էջում գրել է. «Որոշ մարդիկ փորձում են ջուր պղտորել, որպեսզի ձուկ բռնեն ու իրենց ագահ ախորժակին հագուրդ տան... Երեկ ինչ-որ հանրահավաք, այնուհետև երթ էր կազմակերպվել, իբրև թե ի պաշտպանություն վարչապետին: Իրականում, դա ուղղված էր վարչապետի դեմ: Այդ հարթակում մարդիկ էին, որոնց միշտ տեսել ենք ՔՊ-ի քարոզարշավների ժամանակ, առաջին պլանում ՔՊ-ի դրոշը բռնած, կամ լիդերների կողքին քայլելիս: Չգիտեմ, թե սա որտեղից էր ուղղորդվել, բայց որ շատ լուրջ ֆինանսական միջոցներ էին դրել այն կազմակերպելու համար, դա փաստ է: Բեմը, բարձրորակ բարձրախոսները և այլն, և այլն: Սրանք (միտումնավոր եմ ասում՝ սրանք) իրենց իրավունք են վերապահում մեր երկրի համար վտանգավոր հայտարարություններ կատարել, որոնք ուղիղ եթերով լսում են նրանք, ովքեր հետաքրքրված են մեր երկրի ներքին քաղաքական կյանքով: Սրանց մի բան պետք է ասեմ, որ ոչ մի բարոյական իրավունք չունեն Արցախի անունը տալու, չնայած՝ դրանցից մեկի հարազատը հանուն Արցախի կյանքն է տվել, բայց հաստատ ոչ նրա համար, որ այսօր նրա զարմիկն ադրբեջանցիների հետ ընկերություն անի, իսկ Արցախում բնակվող հայի գլուխը ջարդելու կոչեր անի: Անշուշտ, սրանք մի կետից ուղղորդված էին, որպեսզի նաև ՔՊ-ին որպես կուսակցություն արժեզրկեն, քանի որ գործից անտեղյակ մարդը կկարծեր, թե դրանք ՔՊ-ի կարկառուն դեմքերից են: Այդ անհայրենիքները երեկ հարվածի տակ դրեցին Արցախը, Արցախի Հանրապետություն և Հայաստանի Հանրապետություն հարաբերությունները (թեկուզ ձևական հարաբերություն, քանի որ մենք պարզապես նույնն ենք), Հայաստանի իշխանությանը, ի դեմս վարչապետին, և Հայաստանի իշխող ՔՊ կուսակցությանը: Այդ մարդկանց պատասխանատվության կանչելու, հրապարակավ նմանատիպ կոչեր հնչեցնելու համար, պատժելու համար առաջինը հենց շահագրգռված պետք է լինի ՔՊ կուսակցությունը: Սրանք դեռ շարունակում են իմիտացիա ստեղծել, որ փոխկապակցված են կուսակցության հետ»:

Կիսվի՛ր այս նյութով՝
դեպի վեր