Ռուսաստանի Սանկտ Պետերբուրգ քաղաքում ավարտվեց Ալեքսանդր Դիտյատինի անվան սպորտային մարմնամարզության գավաթի խաղարկությունը, որին Հայաստանը ներկայացնում էին Արթուր Դավթյանը և Գագիկ Խաչիկյանը։ Արթուր Դավթյանը 3 ոսկե և 2 արծաթե մեդալ է նվաճել առանձին գործիքների վրա։ Նա հաղթել է բազմամարտում, հենացատկում և նժույգթափերի վրա վարժություններում, իսկ օղակների վրա և ազատ վարժություններում Դավթյանը նվաճել է արծաթե մեդալներ։ Ավելի վաղ Արթուր Դավթյանը և Գագիկ Խաչիկյանն առաջին տեղն են գրավել նաև թիմային պայքարում: Գագիկ Խաչիկյանը ոսկե մեդալակիր է դարձել նժույգիթափերի վրա վարժություններում, իսկ պտտաձողի վրա վարժություններում նվաճել է բրոնզե մեդալ: |