Գրագողության թեմայով ԱԺ գիտության, կրթության հանձնաժողովի նիստում Մխիթար Հայրապետյանն անդրադարձավ դատավոր Ալեքսանդր Ազարյանի՝ օրեր առաջ հարցազրույցներից մեկում հնչեցրած արտահայտությանը: «Պարոն Ազարյանը նշել էր, որ ԱԺ-ում երեկվա երեխաները պետք է քննե՞ն իմ հարցը... Նկատի ունենալով մեր հանձնաժողովի պատգամավորներին ու ինձ՝ հարգարժան դատավորը որևէ կասկած չունի, որ առնվազն նույն ոճով կարող եմ արձագանքել, բայց զերծ կմնամ այդ մակարդակի դաշտ տեղափոխվելուց: Հույս ունեմ՝ հետագա արտահայտություններում կհիշեն դատավորի էթիկայի մասին»,- նշեց Հայրապետյանը: