Ղազախստանի Ալմաթի քաղաքում կայացած հունահռոմեական ոճի ըմբշամարտի Բոլաթ Թուրլըխանովի անվան գավաթի խաղարկությունում 97 կգ քաշային կարգում Հայաստանը ներկայացնող Արթուր Ալեքսանյանը նվաճեց ոսկե գավաթը։ Ռիոյի օլիմպիական խաղերի չեմպիոնը հաղթանակից հետո գրառում է կատարել ինստագրամյան իր էջում։ «Շնորհակալ եմ շնորհավորանքների և միշտ իմ կողքին լինելու համար: Սա շատ կարևոր հաղթանակ էր: Շարժվում ենք առաջ` դեպի Եվրոպական խաղեր»,- գրել է նա։ Հիշեցնենք, որ Եվրոպական երկրորդ խաղերը կայանալու են Բելառուսի մայրաքաղաք Մինսկում՝ հունիսի 21-ից 30-ը: |