Բրիտանացի վիպասանուհի Ջոան Ռոուլինգը հայտարարել է Հարի Փոթերի աշխարհի վերաբերյալ 4 նոր գրքի լույս տեսնելու մասին: Ինչպես հայտնում է Mirror-ը, դրանցում ուշադրություն կդարձվի գիտելիքներին, որոնք ստացել են Հոգվարթսի կախարդանքի դպրոցում սովորողները:

Գրքերից յուրաքանչյուրի սյուժեն ձևավորվում է այնպիսի գիտելիքների շուրջ, ինչպիսիք են Կախարդանքը, Պաշտպանությունը մութ ուժերից, Կախարդական թուրմերի պատրաստումը, Գուշակությունը, Աստղագիտությունը և Կախարդական գոյերի խնամքը:

Գրքերի էլեկտրոնային տարբերակները կներկայացվեն Pottermore հարթակի միջոցով: