Նիժնի Նովգորոդի Ձերժինսկ քաղաքի պայթուցիկների արտադրությամբ (տրոտիլ) զբաղվող «Կրիստալ» գործարանում պայթյուններից տուժածների թիվը հասել է 43-ի, կան անհետ կորածներ, այս մասին հայտնում է РБК-ն՝ հղում կատարելով ՌԴ արտակարգ իրավիճակների նախարարությանը:

Նախնական տվյալներով՝ միջադեպի պատճառը տեխնոլոգիական գործընթացի խախտումն է եղել։

Հրդեհը մեկուսացված է. դեպքի վայրում աշխատում է ավելի քան 400 փրկարար, 50 միավոր տեխնիկա:

Քաղաքում արտակարգ դրության ռեժիմ է հայտարարվել: