ՀՀ Արդարադատության նախարար Արտակ Զեյնալյանի հրաժարականից հետո հավանական թեկնածուների անուններ են շրջանառվում: Ասում են՝ Զեյնալյանին այդ պաշտոնում փոխարինելու է Մարդու իրավունքների նախկին պաշտպան Կարեն Անդրեասյանը, ով վերջին շրջանում տարբեր առիթներով հայտարարում է, որ հավատում է նոր իշխանություններին, նրանց որդեգրած քաղաքականությանը՝ Նիկոլ Փաշինյանին համարելով թափանցիկ առաջնորդ: Արդարադատության նախարարի պաշտոնում շրջանառվում են նաև ԱԺ «Իմ քայլը» խմբակցության պատգամավոր Վլադիմիր Վարդանյանի, ՀՀ վարչապետ Նիկոլ Փաշինյանի ներկայիս խորհրդական Եղիշե Կիրակոսյանի անունները: |