Հունաստանի մայրաքաղաք Աթենքի «Օլիմպիական» մարզադաշտում կայացած Եվրո-2020-ի ընտրական փուլի Հունաստան - Հայաստան (2։3) հանդիպումից հետո Հայաստանի հավաքականի հարձակվող Ալեքսանդր Կարապետյանը մեկնաբանեց մեր թիմի խաղը։ «Շատ կարևոր հաղթանակ էր։ Պայքարը շարունակելու հնարավորություն ունենք։ Թիմը մինչև վերջին րոպեները տվեց այն, ինչ կարողացավ։ Շատ հաճելի էր հետևել, որ թիմում բոլորը 100 %-ով նվիրվել էին խաղին»: |