Հայաստանի ազգային հավաքականի և Երևանի «Բանանց»-ի դարպասապահ Արամ Հայրապետյանը «SofaScore»-ի վարկածով ընդգրկվել է Եվրո-2020-ի որակավորման փուլի 4-րդ տուրի խորհրդանշական հավաքականում: Մեր դարպասապահը ստացել է 7.9 գնահատական՝ կատարելով 9 սեյվ, որից 5-ը՝ տուգանային հրապարակի ներսից կատարած հարվածներից հետո, 1 անգամ հաջող դուրս եկել ու տիրել է գնդակին, 1 անգամ էլ տիրել է բարձրից եկած փոխանցմանը: Հիշեցնենք, որ Արամ Հայրապետյանը 2 ամբողջական հանդիպում է անցկացրել Հայաստանի ազգային հավաքականի կազմում՝ մասնակցելով Եվրո-2020-ի 3-րդ՝ Հայաստան-Լիխտենշտեյն (3:0) և 4-րդ տուրի Հունաստան-Հայաստան (2:3) հանդիպումներին: |