Հոնկոնգում բազմահազարանոց բողոքի ակցիաներ են. մասնակիցների մեջ մեծ թիվ են կազմում ուսանողները: Խանութները, ձեռնարկություններն ու բանկերը փակ են. աշխատակիցները փողոց են դուրս եկել՝ իրենց քաղաքացիական դիրքորոշումն արտահայտելու համար: Բողոքողները պահանջում են Հոնկոնգի վարչակազմի ղեկավար Քերրի Լեմի հրաժարականը, ինչպես նաև վերանայում արտահանձնման մասին օրենքում փոփոխություններ նախատեսող օրինագծում: Այդ մասին հաղորդում է South China Morning Post պարբերականը: Դրան մոտ կանգնած աղբուրների հաղորդմամբ՝ ոստիկանությունը արցունքաբեր գազ է կիրառել ցուցարարների հանդեպ, սակայն դա ցույցի մասնակիցներին չի կանգնեցրել: Բողոքի մասնակցիները մտավախություն ունեն, որ օրենսդրական փոփոխությունը կհանգեցնի նրան, որ Չինաստանի արդարադատությանը կհանձնեն ոչ միայն Հոնկոնգում թաքնվող կոռումպացված չին պաշտոնյաններին, այլև պաշտոնական Պեկինի քաղաքականության հետ անհամաձայնություն ունեցող ակտիվիստներին: Նշենք, որ նման բողոքի ակցիաներ տեղի էին ունեցել նաև հունիսի 9-ին: |