«Գանձասար-Կապան» ֆուտբոլային ակումբի դարպասապահ Գևորգ Կասպարովը հայտարարել է առաջիկա մրցաշրջանի ավարտից հետո մարզական կարիերան ավարտելու մասին։ «2019/20 մրցաշրջանը կլինի վերջինը՝ որպես ֆուտբոլիստ։ Հույսով եմ, որ հաջող մրցաշրջան կլինի իմ ու թիմիս համար»,- նշել է 38-ամյա ֆուտբոլիստը: Հիշեցնենք, որ Հայաստանի ազգային հավաքականի նախկին դարպասապահը մարզական կարիերայի ընթացքում հանդես է եկել ավելի քան 10 ակումբում: Հայաստանի ազգային հավաքականում Կասպարովն իր նորամուտը նշել է 2005 թվականին: |