Քաղաքագետ Հայկ Մարտիրոսյանը ֆեյսբուքյան իր էջում գրել է. «Քոչարյանն այս անգամ դատարանում բացահայտորեն սպառնաց դատավորին՝ ճնշում գործադրելով նրա վրա: Նաև՝ սպառնաց բոլորին, ովքեր ընդդիմանում են այսօր իրեն: Եվ այդ սպառնալիքները չի կարելի անտեսել:

Եթե, որոշակի աշխարհաքաղաքական դասավորումների արդյունքում Հայաստանում իշխանության գա ամենատարբեր ուժերի ծառայող և ազգային հովանու տակ պատսպարվող խորապես ապազգային նախկին իշխանության նորատեսք արտադրանքը, որն արդեն Փաշինյանի իշխանության թողտվության պայմաններում լրջորեն պատրաստվում է այդպիսի հնարավոր սցենարի՝ այսօր հնչող ամենատարբեր անձանց ամենատարբեր սպառնալիքներն անպայմանորեն իրականություն են դառնալու:

Ու մինչդեռ Հայաստանի արդեն մեկամյա իշխանություններն ինքնավստահության, անվճռականության և անգաղափարության թավշե ծովում խեղդվում են՝ իրենց անկման պարագայում նոր դեմքով հին ուժն անպայմանորեն ծովն է լցնելու և ողջ նավը, որի անունն է ժողովուրդ: Հուսանք, որ այդպիսի սցենարն իրականություն չի դառնա, բայց հուսալը քիչ է:

Դրա դեմ պետք է պայքարել, իսկ պայքարող՝ Հայաստանի իշխանությունում ակնհայտորեն չկա: Այսպիսի ընթացքով առաջիկայում լուրջ ցնցումներն անխուսափելի են դառնալու»: