Ազգային ժողովի դիմաց մեկնարկել է «Ահազանգ» նախաձեռնության նստացույցը՝ ընդդեմ Հարկային օրենսգրքում փոփոխությունների: Այս մասին նախաձեռնության անդամները տեղեկացրել են ֆեյսբուքյան իրենց էջում: «Այսօր նախատեսված է հարկային օրենսգրքում փոփոխություններ կատարելու վերաբերյալ նախագծի երկրորդ ընթերցումը։ Կոչ ենք անում այս հարցով մտահոգվող բոլոր անհատներին և կազմակերպություններին միանալ մեզ»,- նշված է հաղորդագրության մեջ: Նախաձեռնության անդամները նստացույց են անում՝ «ո՛չ համահարթեցմանը», «ո՛չ համահարթ սպասարկմանը» և այլ գրություններով պաստառներով:
|