ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+16 °C, +5 °C ... +16 °C Վաղը`+20 °C
«Էս արանքը Քոչարյանի գործը կարողացան հասցնել, Հրայր Քանդակիչի սեղանին դնել». Լևոն Բարսեղյան
10:35, 24.06.2019 | mamul.am
5886 | 0

Ժուռնալիստների «Ասպարեզ» ակումբի խորհրդի նախագահ Լևոն Բարսեղյանը ֆեյսբուքյան իր էջում գրել է. «Վերջը ՍԴ դիմողներն են որոշելու, թե ով է ՍԴ նախագահը:

Ուզում եմ հարցնել, թե ո՞ւր էին այժմ ողբ կապած այն հարյուրավոր սահմանադրագետները և իմաստունները, երբ սերժիկն իր գրագիրների հետ «սահմանադրություն» էր նկարում: Երբ օրը 50 անգամ ղժժում էինք, թե չի կարելի լուրջ ընդունել էդ սահմանադրությունն էլ, էդ հանրաքվեն էլ: Մեռանք ասելով՝ մի գնացեք քվեարկության կամ, թե գնում եք՝ ոչ քվեարկեք: Չէէէ, սերժիկը զորավոր էր, դրեց վզերին, գնացին, հորթի պես «այո» քվեարկեցին, թե բա՝ երկիրը դառնում է խորհրդարանական, հոր արև երդո՞ւմ էր կերել ... «Այո» քվեարկողներ ու տարբեր կոնֆետներով սսկված լռվածներ, ձեզ եմ դիմում:

Ո՞ւր էիք պարոնայք և տիկնայք, որ գիտակցության եք գալիս, երբ շատ կոնկրետ օրինակներով զգում եք, թե ինչպես են սերժիկները ձեր օգնությամբ հագել մեզ և ձեզ: Անգամ նկարել չեն իմացել, որովհետև մտածել են, թե հավերժաբար իրենք են գրելու, և թելադրելու, և մեկաբանելու, և լղոզելու, պատերին քսելու:

Ու մեկ էլ գալիս է մեկը, որ ուշադիր է կարդացել դրանց ապականությունները, մեջը լիքը ճեղք ու ճաք է գտնում, սկսում է քարուքանդ անել, և սկսում է հականեխումը՝ իր վարկածով: Սա իմ մեկնաբանությունն է Վահեի հայտարարության:

Քաղքենի ողբասացների մեկնաբանությունը հետևյալն է. Վահեն զավթում է ՍԴ-ն, Աստվա՜ծ իմ, ինչ է լինելու...:

Ինչ, վերջը քվեարկությա՞ն ենք դնելու՝ Վահեն ճի՞շտ է, թե՝ սխա՞լ: Առաջին անգամ չկա պաշտոնական ատյան, որ դա որոշի:

Կերակրատաշտից զրկվածներն, մեզ բռնաբարալու իրավունքը կորցրածները և տաքուկ տեղավորված քաղքենիք պնդելու են, թե Վահեն զավթել է ՍԴ-ն, հեղափոխականները պնդելու են, թե Վահեն սկսում է վերականգնել սահմանադրական կարգը ՍԴ ծավալով, ու դրանից բխած ծավալներով: Հրայր սերժաբարոն դեմքին Սոլոնի արտահատություն տված երկու ոտը մի կոշիկ դրած՝ գնալու է գործի այնքան, մինչև կա՛մ պատուհանների տակ հայտնի արտահայտությունը լսելուց խելագարվի, կա՛մ մինչև մարդամեկն ասի՝ իջի տղա ջան, մեր գնացքը գնացել է: Առայժմ դիմադրում է: Չի կռահել, որ իր քանդակած աղբի բերումով երկու իրարամերժ մեկնություն է ստացվել իր կարգավիճակի, իսկ այդ դրության մեջ հեղափոխությունը գերակա է: Հեղափոխությունը ժողովրդի կամքն է եղել, մինուս՝ անխուսափելի փոքրամասնության: Իսկ որ հեղափոխությունից ամենաշատը քաղքենիների երիկամներն են ցավում, նկատվել է բոլոր հեղափոխություններից հետո: Այսինքն՝ պիտի հասկանա, որ ինքը որքան էլ օգտվի ծառայողական գույքից ու ռոճիկ ստանա, հետզհետե ավելի ու ավելի է ուրվականանալու, Կաֆկայի անհայտ հերոսներից է դառնալու իր գործընկեր անդամների հետ: Չի հասկանա իհարկե, մյուսները՝ չգիտեմ:

Առաջին առարկայական օրինակները հայտնվելու են ՍԴ դիմողների գործողություններով. պատգամավորները, ԱԺ-ն, կառավարությունը, դատարանները, քաղաքացիները տեսնես՝ ո՞ւմ են դիմելու: Կկռահի՞ Հրայրը. իրե՞ն, թե՞ Վահեին՝ որպես ՍԴ նախագահի լիազորությունները ստանձնածի:

Այ, այդ ժամանակ էլ կպարզվի, թե 2015-ին զոռով-շառով կոխացրած սահմանադրության ում մեկնաբանությունն է ճշմարիտ, կպարզվի հեղափոխությունը հասա՞վ ՍԴ, թե՞ նահատակվեց դրա պատերի տակ, այնտեղ, որտեղ Երանոսյան Նռնականետը փշալար էր քաշել տվել ու քրտնել էր սաստիկ: Իհարկե, էս արանքը, հասկանալի մեխանիզմ բանեցնելով՝ Քոչարյանի գործը կարողացան հասցնել, Հրայր Քանդակիչի սեղանին դնել: Բայց դա մանրուք է, կարծում եմ:

Ձեր՝ Կինո Երևանի մայլի ազգային անվտանգության խորհրդի ՍԴ նախագահ»:

Կիսվի՛ր այս նյութով՝
դեպի վեր