Բելառուսի մայրաքաղաք Մինսկում շարունակվում են 2-րդ Եվրոպական խաղերը։ Մրցումային չորրորդ օրը հանդես կգան բասկետբոլիստները, սպորտային ակրոբատները, նետաձիգները, բռնցքամարտիկները, հեծանվորդները, ձյուդոիստները, գեղարվեստական մարմնամարզուհիները, հրաձիգները, բադմինտոնիստները և սեղանի թենիսիստները։ Հայաստանի ներկայացուցիչներից հունիսի 24-ին պայքարի մեջ կմտնի բադմինտոնիստուհի Լիլիթ Պողոսյանը։ Հրաձիգներ Ալլա Պողոսյան և Հրաչիկ Բաբայանը հանդես կգան 10 մետր օդամղիչ հրացան վարժության անհատական պայքարում։ Բռնցքամարտիկներից պայքարի մեջ կմտնեն Ժիրայր Սարգսյանը (56 կգ), Բարեղամ Հարությունյանը (52 կգ) և Գուրգեն Հովհաննիսյանը (+91 կգ): |