Մինսկում ընթացող Եվրոպական խաղերի շրջանակներում այսօր պայքարի մեջ մտան ազատ ոճի ըմբիշները։ Հայաստանը ներկայացնող Վալոդյա Ֆրանգուլյանը (65) և Սարգիս Հովսեփյանը (97 կգ) պարտվեցին մեկնարկային գոտեմարտերում։ Ֆրանգուլյանը պայքարն սկսեց 1/8 եզրափակչից, որտեղ նրա մրցակիցն Ադրբեջանի ներկայացուցիչ Հաջի Ալիևն էր։ Հայ ըմբիշը պարտվեց 0։6 հաշվով։ Սարգիս Հովսեփյանը ևս պայքարն սկսեց 1/8 եզրափակչից։ Հովսեփյանի մրցակիցը վրացի Էլիզբար Օդիկաձեն էր, որին հայ ըմբիշը պարտվեց 2։13 հաշվով։ Եթե Ալիևը և Օդիկաձեն հասնեն եզրափակիչ, Ֆրանգուլյանը և Հովսեփյանը սփոփիչ գոտեմարտի մասնակցելու հնարավորություն կստանան։ |