Mamul.am
Ամբողջական տարբերակ
USD 476.45, EUR 534.43, RUB 7.58, GBP 590.89
+30 °C, +21 °C ... +35 °C Վաղը`+35 °C
Hay / Հայ | Рус | Eng | Tür
Մինսկ-2019․ Անուշ Գրիգորյանը պարտվեց և ձեռնունայն է վերադառնում հայրենիք
21:00, 26.06.2019

Բելառուսի մայրաքաղաք Մինսկում ընթացող Եվրոպական խաղերի շրջանակներում Հայաստանի ներկայացուցիչ 51 կգ քաշային բռնցքամարտիկ Անուշ Գրիգորյանը պարտվեց՝ դուրս մնալով մեդալների համար պայքարից։

Մինսկում ընթացող Եվրոպական խաղերի մրցումային 6-րդ օրը Գրիգորյանը կիսաեզրափակչի ուղեգրի համար մենամարտեց Լեհաստանի ներկայացուցիչ Սանդրա Դրաբիկի հետ և 0։5 հաշվով պարտություն կրեց։

Անուշ Գրիգորյանը պայքարն սկսել էր 1/8 եզրափակչից, որտեղ 5։0 հաշվով հաղթել էր Չեխիայի ներկայացուցիչ Նելա Ֆրեյհերովային։

Հունիսի 26-ին պայքարի դուրս եկած հայ բռնցքամարտիկներից Բարեղամ Հարությունյանը (52 կգ) և Գուրգեն Հովհաննիսյանը (+91 կգ) ևս պարտվել են 1/4 եզրափակչում։

Այսօր պայքարի դուրս կգան նաև Կարեն Տոնականյանը (60 կգ), Հովհաննես Բաչկովը (64 կգ) և Գոռ Ներսեսյանը (81 կգ)։

Տեղեկացրե՛ք Ձեր մտերիմներին
| |
դեպի վեր