+25 °C, +14 °C ... +25 °C Վաղը`+28 °C
ՄՕԿ-ի համագումարի ընթացքում որոշում է ընդունվել որակազրկել Սիրողական բռնցքամարտի միջազգային ֆեդերացիային՝ ԱԻԲԱ-ին։ Տոկիոյի օլիմպիական խաղերի բռնցքամարտի մրցաշարի անցկացման հարցերով կզբաղվի ՄՕԿ-ը։ Այսուհետ ԱԻԲԱ-ի հովանու ներքո անցկացվելիք մրցաշարերը կզրկվեն ճանաչումից և 2019-ի տղամարդկանց և կանանց աշխարհի առաջնությունները, որոնք պետք է կայանային Եկատերինբուրգում և Ուլան-Ուդեում, այլևս օլիմպիական վարկանշային մրցաշարեր չեն համարվում։ Որակավորման մրցումների անցկացմամբ նույնպես կզբաղվի ՄՕԿ-ը: Ընտրական մրցաշարերը տեղի կունենան հաջորդ տարվա հունվար-մարտ ամիսներին, նախնական՝ Մեծ Բրիտանիայում, Չինաստանում, Սենեգալում, Արգենտինայում և Տոկիոյում։ ԱԻԲԱ-ի՝ ՄՕԿ-ին անդամակցելու հարցը կքննարկվի Տոկիոյի օլիմպիական խաղերից հետո։ Հաշվի առնելով, որ որակազրկումը մեծ հարված կհասցնի կազմակերպության բյուջեին, բացառված չէ, որ ճգնաժամն ավելի կխորանա։ ԱԻԲԱ-ն արդեն ունի մոտ 16 մլն դոլարի պարտք: Օլիմպիական խաղերից կազմակերպությունն զգալի եկամուտ պետք է ստանար և վճարեր պարտքերը, բայց այս պարագայում դա անել չի կարողանա և պարտքերը կհասցնի 29 մլն դոլարի:
|
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am