Երևանի Ավանի ֆուտբոլի ակադեմիայում կայացած Եվրոպա լիգայի որակավորման առաջին փուլի «Ալաշկերտ» - «Մակեդոնիա» հանդիպման ընթացքում արտակարգ դեպք է տեղի ունեցել, հայտնում է armtimes.com-ը։ Մարզադաշտի մոտակայքում, որտեղ ֆուտբոլասերները կայանում են ավտոմեքենաները, հրդեհ է բռնկվել։ Մարզադաշտի հաղորդավարը խնդրել է, որ, անվտանգության նկատառումներից ելնելով, ֆուտբոլասերները տեղափոխեն մոտակայքում կայանած իրենց ավտոմեքենաները։ Դեպքի վայր ժամանած փրկարարները մարել են չոր խոտից բռնկված կրակը։
|