Տոկիո-2020-ի կազմկոմիտեն հայտարարել է, որ օլիմպիական և պարալիմպիկ խաղերի 5000 մեդալների արտադրության համար անհրաժեշտ մետաղի ամբողջ քանակը հավաքվել է: Երկու տարվա ընթացքում բջջային հեռախոսներից, համակարգիչներից և այլ տեխնիկայից արդյունահանվել է 32 կգ ոսկի, 3,5 տ արծաթ և 23 ց բրոնզ: Անհրաժեշտ քանակն ապահովելու համար օգտագործվել է 6 մլն հին էլեկտրատեխնիկա, այդ թվում ՄՕԿ-ի նախագահ Թոմաս Բախի հեռախոսը: Միջազգային օլիմպիական կոմիտեի պահանջների համաձայն՝ ոսկե մեդալը պետք է արծաթե հիմք ունենա և պարունակի առնվազն 6 գր մաքուր ոսկի: |