Փաստաբան Արայիկ Պապիկյանը ֆեյսբուքյան իր էջում գրել է. «Արթուր Վարդանյանի և մյուսների (զինված խմբի) գործով այսօր նշանակված էր «հոբելյանական»՝ 100-րդ դատական նիստը։ Այն չկայացավ. չկայացավ ճիշտ այնպես, ինչպես նշանակված նիստերի մեծ մասը։ Կալանքի գրեթե 4-ամյա ժամկետի զգալի մասն Ա. Վարդանյանն անց է կացրել բուժհաստատություններում (նաև՝ ներկայումս)։ Դատական համակարգում համերաշխություն հաստատվելու և ԲԴԽ-ի նոր անդամների ընտրվելու տոները նշելիս, չմոռանաք նշել նաև «հոբելյանական»՝ 100-րդ դատական նիստի տոնը։ Գործով դատավոր Արմեն Բեկթաշյանը ԲԴԽ նախկին անդամ է»։