+19 °C, +14 °C ... +27 °C Վաղը`+28 °C
ՆԱՏՕ-ն կպատասխանի Ռուսաստանին, եթե վերջինս հետևի ԱՄՆ-ին և դուրս գա Միջին և փոքր հեռահարության հրթիռների ոչնչացման մասին պայմանագրից։ Այդ մասին հայտարարել Է դաշինքի գլխավոր քարտուղար Յենս Ստոլտենբերգը: Նրա խոսքը մեջբերել է ՆԱՏՕ-ի մամուլի սպա Դիլան Ուայթը Twitter-ի իր էջում։ «Եթե Ռուսաստանը չվերադառնա պայմանագրի կատարմանը, ապա մենք նրան կպատասխանենք կշռադատված, հուսալի և արդյունավետ զսպմամբ»,- հայտարարել է Ստոլտենբերգը: Հուլիսի 15-ին ՆԱՏՕ-ի գլխավոր քարտուղարը հայտարարել էր, թե Մոսկվան պետք է օգտագործի Միջին և փոքր հեռահարության հրթիռների ոչնչացման պայմանագիրը փրկելու իր վերջին շանսը: «Պայմանագրի վերջնական լուծման դեպքում Ռուսաստանը դրա համար կրելու է միանձնյա պատասխանատվություն», -ասել է գլխավոր քարտուղարը: Ռուսաստանի նախագահ Վ.Պուտինը Միջին և փոքր հեռահարության հրթիռների ոչնչացման մասին պայմանագրի մասին օրենքն ստորագրել էր հուլիսի 3-ին: Դա ԱՄՆ-ի՝ փետրվարի 2-ից նույն պայմանագրից դուրս գալու պատասխան քայլն էր: Միջին և փոքր հեռահարության հրթիռների ոչնչացման մասին պայմանագիրը ստորագրել են ԱՄՆ-ն ու ԽՍՀՄ-ը՝ 1987թ. դեկտեմբերին: Դրանով ԽՍՀՄ-ին և ԱՄՆ-ին արգելվում էր արտադրել, փորձարկել և տեղակայել միջին (1000- 5500 կմ ) և փոքր (500-1000 կմ) ցամաքային բազավորման բալիստիկ և թևավոր հրթիռներ, ինչպես նաև պարտավորեվում էր վերացնել դրանց արձակման կայանքները: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am