Mamul.am
Ամբողջական տարբերակ
USD 475.99, EUR 526.40, RUB 7.25, GBP 581.09
+21 °C, +21 °C ... +33 °C Վաղը`+33 °C
Hay / Հայ | Рус | Eng | Tür
Վլադիմիր Զելենսկին Ուկրաինայում օլիմպիական խաղեր անցկացնելու մտադրություն ունի 
19:05, 16.07.2019

Ուկրաինայի նախագահ Վլադիմիր Զելենսկին հանձնարարել է մշակել ռազմավարական ծրագիր՝ Ուկրաինայում օլիմպիական խաղեր անցկացնելու համար: Այդ մասին նա հայտարարել է սպորտի և երիտասարդության նախարար Իգոր Ժդանովի և Ուկրաինայի Ազգային օլիմպիական կոմիտեի նախագահ Սերգեյ Բուբկայի հետ հանդիպմանը: Այդ մասին հաղորդել է երկրի ղեկավարի մամուլի ծառայությունը: Վ. Զելենսկին նշել է, որ պատրաստ է առաջիկա ծրագրի իրականացման համար տրամադրել 3-4 տարի:

«Պետք է հանձնարարություն տալ մեր՝ ներդրումներ փնտրող տղաներին, բյուջեին, որպեսզի ամեն տարի գումար հատկացնեն այն օբյեկտների համար, որոնք մեզ պետք են և որոնք հետո օգտագործվեն Օլիմպիադայի համար։ Պետք է գոնե փորձել հասնել դրան»,- ասել Է Վ. Զելենսկին։

Ուկրաինայի ազգային օլիմպիական կոմիտեի նախագահ Սերգեյ Բուբկան էլ իր հերթին ասել է, որ Ուկրաինան կարող է հավակնել և պայքարել 2030թ. կամ 2032թ. ձմեռային մրցումների անցկացման համար:

Ս. Բուբկան առավել իրատեսական է համարել հաջորդ ձմեռային կամ ամառային պատանեկան Օլիմպիական խաղերից մեկի անցկացումը:

Նշենք, որ մինչ այժմ Ուկրաինայի ոչ մի քաղաք չի դարձել ո՛չ օլիմպիական մայրաքաղաք և ո՛չ էլ դրա հավակնորդ:

Տեղեկացրե՛ք Ձեր մտերիմներին
| |
դեպի վեր