Արդեն տեղեկացրել էինք, որ այսօր կառավարության դիմաց Քաղցրաշեն համայնքի բնակիչները բողոքի ակցիա էին իրականացնում: Նրանք բողոքում են համայնքում ոռոգման համակարգից Ցուցարարների հետ հանդիպեց Ջրային կոմիտեի նախագահի տեղակալ Հարություն Գուլյանը: Նա պնդում էր, որ համայնքի բնակիչների մեծ մասը պայմանագիր չունեն Ջրային կոմիտեի հետ։ Բնակիչները, սակայն, հակառակն էին ասում. նրանց պնդմամբ՝ իրենք ՋՕ–ի հետ պայմանագիր ունեն, սակայն ջուր չեն ստանում: ՋՕ-ի ներկայացուցիչն էլ իր հերթին նշեց, որ 520 հեկտարից միայն 140 հեկտարը պայմանագիր ունեն։ Ցուցարարներն ու ՋՕ ներկայացուցիչները որոշեցին գնալ Քացրաշեն՝ ստուգելու արդյոք պոմպը այնքան ջուր է մղում, որքան ասում է Արտաշատ ջրօգտագործողների ընկերության Քաղցրաշենի տեղամասի պետը՝ 160 լ/վ ջուր: |