Mamul.am
Ամբողջական տարբերակ
USD 475.99, EUR 526.40, RUB 7.25, GBP 581.09
+21 °C, +21 °C ... +33 °C Վաղը`+33 °C
Hay / Հայ | Рус | Eng | Tür
Վարուժան Ավետիսյանն առաջարկում է ՊՊԾ գրավման օրը դարձնել ազգային տոն
14:30, 17.07.2019

«Հուլիսյան ապստամբությամբ «Սասնա ծռերը» կանխեցին աղետը, վիժեցրեցին Արցախը և պետականությունը հանձնելու գործընթացը և առաջացրեցին կառավարման անհաղթահարելի ճգնաժամ, դրանով իսկ սպառելով ժողովրդի դեմ զինված բռնության ներուժը, ինչի շնորհիվ 2018թ. հնարավոր դարձավ խաղաղ անհնազանդության միջոցով վերջապես հեռացնել ռեժիմին, սակայն հետագայում իրադարձությունները զարգացան անհեթեթ և հակառակ տրամաբանությամբ։ Ռազմագերի ապստամբները դեռ ամիսներ մնացին բանտում, փոխանակ անմիջապես ազատ արձակվեին, այնուհետև ազատ արձակվեցին ընդամենը կալանքից, սակայն շարունակվում են, որպես ամբաստանյալներ դատվել նախկին իշխանության կողմից առաջադրված կեղծ մեղադրանքով, ավելին, նրանցից երկուսը՝ Արմեն Բիլյանը և Սմբատ Բարսեղյանը դեռևս բանտում են և ռազմագերի են արդեն հեղափոխպական կոչվող Հայաստանում»,–այսօր, «հուլիսյան ապստամբության 3–րդ տարեդարձի առթիվ» հրավիրած մամուլի ասուլիսում, հայտարարեց «Սասնա ծռեր» համահայկական կուսակցության վարչության անդամ Վարուժան Ավետիսյանը։

Վերջինն առաջարկեց հուլիսի 17–ը պաշտոնապես դարձնել ազգային տոն՝ կոչ անելով դադարեցնել «ապստամբների» նկատմամբ նախորդ ռեժիմից սկսված հալածանքը և ազատել կալանքի տակ գտնվող խմբի անդամներ Արմեն Բիլյանին և Սմբատ Բարսեղյանին:

Հիշեցնենք՝ 2016 թ. հուլիսի 17-ին «Սասնա ծռեր» խմբավորումը գրավեց ՊՊԾ գունդը: Այդ օրերին զոհվեց 3 ոստիկան:

Տեղեկացրե՛ք Ձեր մտերիմներին
| |
դեպի վեր