Կեսգիշերն անց՝ Մոսկվայի ժամանակով ժամը 00:45-ին, Մոսկվա-Երևան չվերթի ինքնաթիռը դադարեցրել է թռիչքը՝ օդաչուների սենյակում ծխի ահազանգի պատճառով: Թռիչքի պահին ինքնաթիռում եղել է 187 մարդ: Այս մասին տեղեկացնում են ՌԴ Արտակարգ իրավիճկաների նախարարությունից: Աղբյուրի տվյալներով՝ ահազանգը սկսվել է թռիչքային գծի վարման ժամանակ, որի հետևանքով ինքնաթիռը դադարեցրել է շարժը և ուղևորներին սկսել են տարհանել: Արդեն ճշտված տեղեկություններով՝ տուժել է 8 մարդ, որոնցից երկուսը հոսպիտալացվել են, 5-ի մոտ միջին աստիճանի մարմնական վնասվածքներ են: «Շերեմետևո» օդանավակայանի հասարակայնության հետ կապերի հարցերով տնօրեն Աննա Զախարենկոն նշել է, որ ծուխը նկատվել է այն պահին, երբ ինքնաթիռը պատրաստվել է թռիչքի: |