Վենետիկի ոստիկանությունը 950 եվրոյով տուգանել է Գերմանիայից ժամանած երկու զբոսաշրջիկների՝ Ռիալտո կամրջի աստիճաններին սուրճ պատրաստելու համար: Այդ մասին հաղորդում է BBC-ն: Իրավախախտման մասին ոստիկանությանը հայտնել են անցորդները։ Իրավապահները տուգանելուց բացի՝ Գերմանիայի քաղաքացիներին խնդրել են լքել Վենետիկը: Վենետիկի քաղաքապետը քաղաքի հյուրերին անվանել է «անհարգալից» մարդիկ և պնդել է, որ իրենց հյուրերը պարտավոր են հարգանք դրսևորել քաղաքի նկատմամբ: Վենետիկցիները քանիցս իրենց դժգոհությունն են հայտնել քաղաքի հյուրերի բազմաքանակ լինելու առիթով: Տարեկան այս քաղաք է այցելում 30 միլիոն զբոսաշրջիկ: |