ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+11 °C, +5 °C ... +16 °C Վաղը`+20 °C
Չինաստանը Հոնկոնգի սահմանին հսկայական քանակությամբ զինտեխնիկա է կուտակել
21:25, 13.08.2019 | mamul.am
6316 | 0

Չինաստանը Հոնկոնգին սահմանակից Շենչժեն քաղաքի մոտ հսկայական քանակությամբ զինտեխնիկա է կուտակել: Այս մասին տեսանյութը հրապարակել է Global Times-ը:

Ըստ պաշտոնական վարկածի՝ զինտեխնիկան բերվել է լայնածավալ զորավարժությունների համար: Զինտեխնիկան կայանելու համար անհրաժեշտ է եղել զբաղեցնել մարզադաշտը:
Օգոստոսի 12-ին Չինաստանում Հոնկոնգի և Մակաոյի նահանգային խորհրդի խոսնակ Յան Գուանը հայտարարել է, որ «ահաբեկչության ծիլերը» սկսեցին հայտնվել Հոնկոնգում տեղի ունեցած անկարգությունների ժամանակ:
Հուլիսի վերջին հայտնի դարձավ, որ Հոնկոնգում սպիտակ շապիկներով մի քանի տասնյակ տղամարդկանց խմբերը փայտերով հարձակվում են մետրոյում գտնվող ցուցարարների վրա, ինչի հետևանքով տուժել էր 45 մարդ:
Ավելի վաղ՝ հուլիսի 1-ին Հոնկոնգում բողոքի ցույցի մասնակիցները ամբողջովին զավթեցին խորհրդարանի շենքը: Այնուհետև Հոնկոնգի ոստիկանությունը ցուցարարներից ազատագրեց շենքը:

Կիսվի՛ր այս նյութով՝
դեպի վեր