Քաղաքական գիտությունների դոկտոր, պրոֆեսոր Լևոն Շիրինյանը ֆեյսբուքյան իր էջում գրել է. «Հայրենակից. Մենք որպես ազգային հավաքականություն հասել ենք դարավոր նահանջով այն կրիտիկական սահմանագծին, որը բացասական միտումները կտրուկ կասեցնելու պահանջ է դնում: Մենք այլևս քանակական ցուցանիշներով չենք կարող ապրել. տարածք հանձնելով առաջ շարժվել, օտարին ծառայելով փառք նվաճել, հումք և ուղեղ արտահանելով բարգավաճել, օտար լեզվով և մշակույթով Հայաստան կերտել, ժանգոտած վարչական կառույցով պետություն և ժողովուրդ կառավարել: Մնացածը ինքդ կթվարկես: Մեզ ԹՌԻՉՔ է անհրաժեշտ և առանց հետաձգման: Ողջ եղիր!»: