Mamul.am
Ամբողջական տարբերակ
USD 476.26, EUR 522.98, RUB 7.44, GBP 592.56
+20 °C, +11 °C ... +25 °C Վաղը`+27 °C
Hay / Հայ | Рус | Eng | Tür
Թրամփը Գրենլանդիան գնելու հարցը ռազմավարական խնդիր է անվանել
10:20, 19.08.2019

ԱՄՆ առաջնորդ Դոնալդ Թրամփը նշել է, որ ԱՄՆ-ը և Դանիան լավ դաշնակիցներ են, և Վաշինգտոնը պաշտպանում է Կոպենհագենը, ինչպես նաև «աշխարհի մեծ մասը»: «Ըստ էության, սա անշարժ գույքի խոշոր գործարք է»,- հայտնել է Թրամփը: Վերջինի խոսքով՝ Գրենլանդիայի Դանիայի կազմում մնալը վնասում է հենց Դանիային, որը «տարեկան կորցնում է գրեթե 700 միլիոն դոլար»:
ԱՄՆ նախագահը չի բացառել, որ կարող է այս հարցը քննարկել Դանիայի իշխանությունների հետ, եթե այս շաբաթ այցելի Դանիա:
Ավելի վաղ՝ Wall Street Journal պարբերականը գրել էր, որ ԱՄՆ նախագահ Դոնալդ Թրամփը ցանկանում է գնել Գրենլանդիան, որը պատկանում է Դանիային։
Նշվում է, որ նախագահը բազմիցս հետաքրքրվել է աշխատակիցներից՝ արդյոք ԱՄՆ-ն կարո՞ղ է ձեռք բերել Գրենլանդիան։ Բացի այդ, Թրամփը մեծ հետաքրքրությամբ մասնակցել է կղզու մասին քննարկումներին:

Տեղեկացրե՛ք Ձեր մտերիմներին
| |
դեպի վեր