Դանիայի վարչապետ Մետտե Ֆրեդերիկսենը, ի պատասխան Գրենլանդիան ձեռք բերելու ԱՄՆ-ի մտադրությանը, հայտնել է, որ կղզու վաճառքի մասին «անհեթեթ խոսակցությունները պետք է դադարեցվեն»:
Օգոստոսի 18-ին Մետտե Ֆրեդերիկսենը ժամանել է Գրենլանդիայի մայրաքաղաք Նուուկ, որտեղ հանդիպել է ազգային կառավարության ղեկավարի հետ: Մասնավորապես, նրանք քննարկել են ԱՄՆ նախագահ Դոնալդ Թրամփի առաջիկա այցը Դանիա, որը նախատեսված է երկու շաբաթից:
«Կան շատ կարևոր հարցեր, որոնց մասին կարելի է խոսել մեր քաղաքական գործիչների հետ, բայց Միացյալ Նահանգների առաջարկը դրանցից մեկը չէ»,- հավելել է Դանիայի վարչապետը: