G7 երկրների առաջնորդների հանդիպումը կանցկացվի օգոստոսի 24-26-ը Բիարիցում, սակայն այն կարող է ավարտվել առանց համատեղ փաստաթղթի ստորագրման: Այս մասին հաղորդում է Ճապոնիայի հանրային հեռուստատեսությունը (NHK): Այս տարի առևտրի և գլոբալ տաքացմանն առնչվող տարաձայնությունների պատճառով G7 երկրները կարող են հրաժարվել ստորագրել համատեղ հայտարարությունը: Ճապոնական հեռուստատեսությունը նշում է, որ սա առաջին նման դեպքն է 1975 թվականից ի վեր, երբ կազմավորվեց այս միությունը: G7 գագաթնաժողովի թեման այս տարի Ֆրանսիայի իշխանությունների առաջարկով կրում է պայքար անհավասարության դեմ խորագիրը: |