Mamul.am
Ամբողջական տարբերակ
USD 476.18, EUR 528.61, RUB 7.41, GBP 592.94
+14 °C, +13 °C ... +25 °C Վաղը`+27 °C
Hay / Հայ | Рус | Eng | Tür
Բրիտանիան սեպտեմբերի 1-ից կտրուկ կկրճատի իր մասնակցությունը ԵՄ նիստերին
17:40, 21.08.2019

Սեպտեմբերի 1-ից Մեծ Բրիտանիայի ներկայացուցիչները կմասնակցեն Եվրոմիության կառույցների նիստերի միայն կեսին: Տնտեսված ժամանակը և ջանքերը նվիրված կլինեն ԵՄ-ից Միացյալ Թագավորության դուրս գալու նախապատրաստական աշխատանքներին։ Այս մասին գրում է Deutsche Welle-ը։
Լոնդոնում Brexit-ի գործերի նախարարության ներկայացուցիչը հայտնում է, որ բրիտանական պաշտոնյաները Բրյուսելում կմասնակցեն միայն այն հանդիպումներին, որոնք բավարարում են սեփական երկրի ազգային շահերը:
Ըստ նախարարության` նման որոշման պատճառներից մեկն այն է, որ Բրյուսելում հանդիպումների մեծ մասի ժամանակ քննարկվում են Brexit-ից հետո ԵՄ ապագային վերաբերող հարցեր:
Մեծ Բրիտանիան դեռևս կանգնած է «կոշտ» Brexit-ի առջև, քանի որ Եվրոմիությունից դուրս գալու մասին համաձայնագիրը չի հաստատվել բրիտանական խորհրդարանի կողմից: Նախօրեին ԵՄ-ը մերժեց Մեծ Բրիտանիայի վարչապետ Բորիս Ջոնսոնի առաջարկը, որը վերաբերվում էր Brexit-ի պայմանագրի վերանայմանը:

Տեղեկացրե՛ք Ձեր մտերիմներին
| |
դեպի վեր