Հունգարիայի Ցեգետ քաղաքում մեկնարկել է թիավարության աշխարհի առաջնությունը: Հայաստանը առաջնությանը ներկայացել է 5 մարզիկով․ Արա Վիրաբյան՝ կանոէ, Էդգար Թության, Վլադիմիր Ալավերդյան, Արթուր Ակիշին, Հայկ Թադևոսյան՝ բայդարկա:

Արա Վիրաբյանը 1 տեղանոց կանոէ մրցաձևի 500 մետր մրցատարածության նախնական փուլում գրանցեց 1:56.72 րոպե արդյունքը և մտավ կիսաեզրափակիչ փուլ:

Վլադիմիր Ալավերդյան-Էդգար Թության զույգը երկտեղանոց բայդարկա 500 մետր մրցատարածությունում գրանցեց 1:43.89 րոպե արդյունը և նվաճեց կիսաեզրափակչի ուղեգիր։

4 տեղանոց բայդարկա 500 մետր մրցաձևում էդգար Թության, Վլադիմիր Ալավերդյան, Հայկ Թադևոսյան, Արթուր Ակիշին քառյակը գրանցեց 1:33.20 րոպե արդյունքը և դուրս մնացին պայքարից: