ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+14 °C, +5 °C ... +15 °C Վաղը`+20 °C
Սպանություն Վանաձորում. ոստիկանների բացահայտումը
20:55, 23.08.2019 | mamul.am
5557 | 0

Օգոստոսի 16-ի առավոտյան շտապօգնության ենթակայանից ոստիկանության Տարոնի բաժնում հաղորդում էր ստացվել, որ Վանաձորի Մոսկովյան փողոցի շենքերից մեկում մարդ է մահացել:
Դեպքի վայր մեկնած օպերատիվ խումբը դիակի զննությամբ գլխի շրջանում չսպիացած վերք հայտնաբերեց: Մահացած 48-ամյա տղամարդը Վանաձորի Խորենացու փողոցի բնակիչ էր:
Ոստիկանության Տարոնի բաժնի քրեական հետախույզները, համագործակցելով Լոռու մարզային դատաբժշկական բաժնի հետ, լայնածավալ օպերատիվ-հետախուզական միջոցառումներ ձեռնարկեցին, որոնց արդյունքում դեպքից օրեր անց տեղեկություններ ստացվեցին, որ օգոստոսի 14-ին, ժամը 17-ի սահմաններում, Փամբակ գյուղի 40-ամյա մի բնակիչ նշված հասցեում վիճաբանելով վանաձորցի 48-ամյա տղամարդու հետ` մետաղյա դետալով հարվածել է գլխին, ինչի հետևանքով էլ ավելի ուշ նա մահացել է:
Օգոստոսի 22-ին Տարոն-2 թաղամասից կասկածյալը բերման է ենթարկվել և տվել խոստովանական բացատրություն:
Փաստի առթիվ հարուցվել է քրեական գործ:
Հանգամանքները պարզվում են:
Նախաքննությունը շարունակվում է:

Կիսվի՛ր այս նյութով՝
դեպի վեր