«Ալաշկերտ» ֆուտբոլային ակումբը պայմանագիր է ստորագրել Էստոնիայի ազգային հավաքականի կենտրոնական պաշտպան Նիկիտա Բարանովի հետ: 27-ամյա ֆուտբոլիստը երկար տարիներ հանդես է եկել Էստոնիայի առաջատար ակումբներից մեկում` «Ֆլորա»-ում, խաղացել է Նորվեգիայի «Կրիստիանսունդ»-ում և «Սոգնդալ»-ում, իսկ նրա նախորդ ակումբը Բուլղարիայի առաջատար թիմերից «Բերոե»-ն էր: Նիկիտա Բարանովը 34 հանդիպում է անցկացրել Էստոնիայի ազգային հավաքականի կազմում, ներկայացրել է իր երկրի Մ-23 (3 խաղ), Մ-21 (13 խաղ, 1 գոլ), Մ-19 (14 խաղ) և Մ-18 (1 խաղ) հավաքականները: |