+12 °C, +12 °C ... +27 °C Վաղը`+28 °C
«Մեկ Հայաստան» կուսակցության ղեկավար Արթուր Ղազինյանը «Կենտրոն» հ/ը-ի եթերում, անդրադառնալով Սահամանադրական դատարանի Ռոբերտ Քոչարյանի դիմումի վերաբերյալ կայացրած որոշմանը, ասաց. «Սահմանադրությունը հատուկ կարգավիճակ և ռեժիմ է շնորհում պետական բարձրաստիճան որոշ պաշտոնյաների, պատգամավորների, նախկին նախագահների: Նրանք ունեն անձեռնմխելիություն, մինչդեռ քրեական դատավարության օրենսգրքի 35-րդ հոդվածը, որը հիմքեր է նախատեսում քրեական հետապնդումը և քրեական գործի հարուցումը բացառելու, անձեռնմխելիության հանգամանքով թելադրված հիմքեր չի սահմանում: Այսինքն` վարույթ իրականացնող մարմինը չգիտի՝ կոնկրետ որ դեպքերում է գործում անձեռնմխելիության հանգամանքները, որ դեպքերում չի գործում»: Ղազինյանի խոսքով` եթե Սահմանադրությունը նախատեսում է անձեռնմխելիություն, ապա դա պետք է արտացոլվի օրենքով և ցույց տրվի, թե անձեռնմխելիությունը ինչ իրավական երաշխիքներով է պաշտպանության տակ վերցնում տվյալ անձին: «Եթե մենք գործում ենք իրավական կառուցակարգերից ելնելով, ապա անհապաղ պետք է դադարեցվի քրեական հետապնդումը, մինչև կհստակեցվի անձեռնմխելիության մասին դրույթը, թե ինչպիսի պաշտպանության մեխանիզմ է ենթադրում դա տվյալ անձեռնմխելիությամբ օժտված անձանց նկատմամբ»,- նշեց նա: Առավել մանրամասն` տեսանյութում: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am