««Սանիթեք» ընկերությունը փորձում է իրենց խնդիրները բարդել Երևանի քաղաղապետարանի վրա»,-այսօր լրագրողների հետ ճեպազրույցում ասաց Երևանի քաղաքապետ Հայկ Մարությանը՝ անդրադառնալով այսօր քաղաքապետարանի դիմաց ընկերության աշխատակիցների բողոքի ակցիային: «Մեր աշխատակիցները նրանց հարց են տվել, թե ընդհանրապես, դուք ե՞րբ եք ստանում աշխատավարձը և պատասխանը եղել է՝ ամսի 5-ից հետո: Այսօր ամսի 10-ն է: Երևի «Սանիթեքի» կողմից է ուղղորդվում, այսինքն իրենք փորձում են իրենց խնդիրները բարդել քաղաքապետարանի վրա: Մենք մենակ չենք թողնի «Սանիթեքի» աշխատակիցներին, իրավաբանական օգնություն կցուցաբերենք: Բայց այն, ինչ փորձում է ասել «Սանիթեքը», թե քաղաքապետարանը փողը չի տվել, դրա համար աշխատավարձ չեն տալիս, ուզում եմ ասել, որ ընդհանուր գումարի 9 տոկոսըի չափով են եղել տուգանքները»,- ասաց Մարությանը՝ հավելելով, որ «Սանիթեքին» տրվելիք 3.3 մլրդ դրամից 9 տոկոսի չափով տուգանքներ են պահվել»: Քաղաքապետի խոսքով՝ այժմ իրավական գործընթաց է գնում:
|