ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+13 °C, +3 °C ... +13 °C Վաղը`+16 °C
ԱՄՆ Կոնգրեսը կարող է ռազմական օգնություն հատկացնել Ուկրաինային՝ շրջանցելով Թրամփին
14:05, 11.09.2019 | mamul.am
4216 | 0

ԱՄՆ նախագահ Դոնալդ Թրամփը սառեցրել է 250 միլիոն դոլարի ռազմական օգնությունը, որը նախատեսված էր տրամադրել Ուկրաինային, սակայն Դեմոկրատական և Հանրապետական կուսակցություններից ԱՄՆ սենատորները ակնկալում են, որ Կոնգրեսը թույլ կտա ռազմական օգնություն ցուցաբերել Ուկրաինային՝ շրջանցելով Թրամփի որոշումը, հաղորդում է Reuters-ը:

Մասնավորապես, այդ մասին հայտարարել է ամերիկացի հանրապետական սենատոր Ռոն Ջոնսոնը:
«Եթե Թրամփը որոշի չտրամադրել այդ գումարը, ես միանգամայն վստահ եմ, որ Կոնգրեսում երկու կողմերն էլ քվեարկելու են այս որոշման վերանայման օգտին»,-հայտնել է նա:
Դեմոկրատական կուսակցության անդամ Քրիս Մերֆին նույնպես հանդես է եկել Ուկրաինային ռազմական օգնություն տրամադրելու օգտին:
Մերֆին և Ջոնսոնը վերջերս այցելել էին Ուկրաինա և հայտարարել են, որ Կոնգրեսը աջակցում է մի երկրի, որը բախվել է «ռուսական ագրեսիային»:

Կիսվի՛ր այս նյութով՝
դեպի վեր