ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+16 °C, +5 °C ... +16 °C Վաղը`+20 °C
«Սա Փաշինյանի կառավարության դարակազմիկ պատասխանն էր Կրեմլին». Գագիկ Համբարյան
12:05, 12.09.2019 | mamul.am
6779 | 2

Քաղաքագետ Գագիկ Համբարյանը ֆեյսբուքյան իր էջում գրել է. «Փաշինյանը ռուս «Իվան Վասիլևիչին» արգելելու է Հայաստանում տաքսի վարել. Հայաստանի իշխանությունները շարունակում են անտրամաբանական արտաքին քաղաքականությունը, որը հիմնականում վերաբերում է հայ-ռուսական օր օրի վատթարացող հարաբերություններին...
Սեպտեմբերի 10-ին՝ ԱԺ նիստում, «Ճանապարհային երթևեկության անվտանգության մասին» օրենքում և կից օրենքներում լրացումներ կատարելու մասին օրինագծերի փաթեթի քննարկման ժամանակ ՀՀ փոխոստիկանապետ Հովհաննես Քոչարյանը փաստացի հայտարարեց, որ ՌԴ վարորդական իրավունք ունեցող քաղաքացիներին արգելվելու է մեքենայով բիզնեսի վարումը և ծառայությունների մատուցումը Հայաստանի տարածքում... Որքան կարելի է հասկանալ, սա Փաշինյանի կառավարության հերթական դարակազմիկ պատասխանն էր Կրեմլին, որը մեկ տարուց ավելի է բացահայտ խոչընդոտներ է ստեղծում իր տարածքում Հայաստանում տրված վարորդական իրավունքով աշխատող ՀՀ քաղաքացիների համար...
Մոսկվայի և Երևանի բանակցություններն այս հարցի շուրջ, որքան կարելի է կռահել, ձախողվել են և պաշտոնական Երևանը, գրեթե, նույնաբովանդակ պատասխան է տալիս Մոսկվային... Սակայն, այս ամենում մի «բայց» կա... Եթե Մոսկվան իր տարածքում չի ճանաչում ՀՀ-ի կողմից տրված վարորդական իրավունքները, ապա դրանից տուժում են հարյուր հազարավոր այն ՀՀ քաղաքացիները, որոնք ամեն տարի մեկնում են ՌԴ արտագնա աշխատանքի՝ տաքսի վարում, առաքիչ աշխատում կամ բազմաթիվ շինարարություններում որպես վարորդ աշխատում... Հիմա հարց. իսկ ո՞ւմ են վնասելու մերոնք, եթե ընդունեն օրենք, որի համաձայն ՀՀ տարածքում չեն ճանաչվելու ՌԴ-ի կողմից տրված վարորդական իրավունքները... Չլինի՞ պարոն Փաշինյանն այս քայլով ցանկանում է արգելել հարյուր հազարավոր ռուսաստանցի «իվանների» մուտքը Հայասատան, որոնք այստեղ տաքսի են վարում, առաքիչ աշխատում և այլն... Ինչի՞ համար է ընդունվում այս անիմաստ օրենքը, որից կարող են տուժել հայազգի բազմաթիվ ՌԴ քաղաքացիներ, ովքեր, ինչպես այս տարի շատերս ականատես եղանք, իրենց «տաքսիներով» ժամանել էին Հայաստան...
Ստացվում է, որ այս օրենքի ընդունումը վնասելու է մեր ռուսաստանաբնակ հայրենակիցներին և որևէ կերպ չի կարող վնասել որևէ ոչ հայ ռուսաստանցու, քանի որ ես մինչև հիմա մի օրինակ չգիտեմ, որ այդ երկրի ոչ հայ քաղաքացին Հայաստան գալիս է խոպան և այստեղ աշխատում է վարորդ...
Մինչև ինչ-որ քայլ ձեռնարկելը լավ կլինի մի փոքր վերլուծել և հասկանալ, թե այդ քայլից ինչ օգուտ և վնաս կարող ես ստանալ... Սակայն, ՀՀ վարչապետին բացարձակ չի հետաքրքրում այդ ամենը... Պարոն Փաշինյանը, փորձելով հակադարձել Մոսկվային, արդեն որերորդ անգամ է հայտնվում է զավեշտալի իրավիճակներում՝ հարվածելով երկրի վարկանիշին... Հիշեցնեմ, որ մինչ այս անտրամաբանական առաջարկով ԱԺ մտնելն էլ, ի պատասխան Մոսկվայի կողմից գեներալներ Պողոսյանին և Հարությունյանին Հայաստանի իրավապահներին չհանձնելուն, Հայաստանն ապաստան էր տրամադրել իրեն Պուտինի ընդդիմախոս հորջորջած ինչ-որ թափթփուկի, ով, ի դեպ, պարզվեց, որ ֆաշիստ է և 2013 ու 2015թթ. բավականին ակտիվ մասնակցություն է ունեցել, համապատասխանաբար, Արզամասում և Մինվոդիում տեղի ունեցած հուժկու հակահայկական ելույթներին՝ կոչ անելով տեղացիներին վտարել հայերին այդ քաղաքներից... Մոսկվային «ցավեցնելու» փոխարեն Հայաստանի իշխանությունները հայտնվեցին ծիծաղելի վիճակում՝ Հայաստանում ապաստան տալով հակահայ ֆաշիստ ինչ-որ աղբի...
Հ.Գ. Համոզված եմ՝ նույն զավեշտալի վիճակում Հայաստանն էլի կհայտնվի, եթե ԱԺ-ն սահմանափակի ռուսական վարորդական իրավունքների կիրառումը ՀՀ տարածքում... Այդ ամենից կտուժեն միայն մեր ռուսաստանաբնակ հայրենակիցները...»:

Կիսվի՛ր այս նյութով՝
դեպի վեր