+15 °C, +14 °C ... +24 °C Վաղը`+27 °C
Ազգային Ժողովը սեպտեմբերի 12-ի նիստն սկսեց նախորդ օրը քննարկած նախագծերի քվեարկությամբ: Ի թիվս դրանց, ընդունվեց նախորդ օրը առավել բուռն քննարկված «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրինագիծը: Քվեարկութունից առաջ ԲՀԿ խմբակցությունից Նաիրա Զոհրաբյանը հայտարարեց, որ թեպետ իրենք օրինագիծը թերի, թիրախային խնդիրներ լուծող են համարում, սակայն կողմ են քվեարկելու՝ անտեղի շահարկումներից զերծ մնալու համար: «Հայտարարում եմ, որ այս փաստաթղթի ընդունման քաղաքական պատասխանատվությունը կրում է քաղաքական մեծամասնությունը»,-ասաց Ն. Զոհրաբյանը: «Լուսավոր Հայատանից» Մանե Թանդիլյանն առաջարկեց դեմ քվեարկել, որպեսզի հետո ստիպված չլինեն դրա սահմանադրականության հարցով դիմել ՍԴ: Տնտեսական հարցերի մշտական հանձնաժողովի նախագահ Բաբկեն Թունյանը նշեց, որ առաջին և երկրորդ ընթերցումների միջև ընկած ժամանակահատվածում հնարավորություն կունենան կարգավորումները կատարել: «Այս օրինագծի առիթով անհանգստանալու կարիք ունեն նրանք, ովքեր խոշոր անշարժ գույք ունեն»,-գնահատեց Բ. Թունյանը: Հիշեցնենք, որ նախորդ օրը օրինագծի քննարկման ժամանակ, որոշ պատգամավորներ մտավախություն հայտնեցին, որ օրենքի փոփոխություններից տուժելու են խոցելի խավերը, կբարձրանա «աբովյանցի տատիկի» գույքահարկի բեռը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am