Mamul.am
Ամբողջական տարբերակ
USD 476.22, EUR 526.22, RUB 7.39, GBP 593.51
+27 °C, +15 °C ... +28 °C Վաղը`+29 °C
Hay / Հայ | Рус | Eng | Tür
Նեթանյահուն հայտարարել է Գազայի հատվածում լայնամասշտաբ գործողություններ իրականացնելու հնարավորության մասին
16:50, 12.09.2019

Իսրայելի վարչապետ Բենյամին Նեթանյահուն, իսրայելական 13-րդ հեռուստաալիքին տված հարցազրույցում, հայտարարել է, որ իսրայելցի զինվորականները, ամենայն հավանականությամբ, Գազայի հատվածում լայնամասշտաբ գործողություններ են իրականացնելու, սակայն միաժամանակ հորդորել է չշտապեցնել իրադարձությունները:
«Թվում է, թե մենք այլ ելք չունենք, քան լայնամասշտաբ գործողություններ սկսելը Գազայի հատվածում», հայտարարել է Նեթանյահուն՝ նախքան Սոչի մեկնելը:

Սակայն նա նաև նշել է, որ ակնկալում է «Համաս» շարժման դիրքերը թուլացնելու հնարավորությունը:

Նախօրեին իսրայելական օդուժը հարվածներ է հասցրել Գազայի հատվածին, երբ հրթիռներ են արձակվել Գազայի հատվածից դեպի Իսրայել:

Ըստ իսրայելցի զինվորականների՝ Գազայի հատվածից հրթիռակոծման գոտում են գտնվել գրեթե կես միլիոն մարդ, այդ թվում՝ Նեթանյահուն, ով ստիպված է եղել լքել ամբիոնն իր կողմնակիցների հետ հանդիպման ժամանակ: Նեթանյահուն չի տուժել, և մի քանի րոպե անց շարունակել է իր ելույթը:

Տեղեկացրե՛ք Ձեր մտերիմներին
| |
դեպի վեր