Հավաքական անվտանգության պայմանագրի կազմակերպությունում (ՀԱՊԿ) որևէ երկրին գործընկերոջ, դիտորդի կամ անդամի կարգավիճակ տալու որոշումը կայացվում է կոնսենսուսով, այս մասին հայտարարել է ՀԱՊԿ գլխավոր քարտուղարի պաշտոնակատար Վալերի Սեմերիկովը: «Եկեք ելնենք ՀԱՊԿ-ի կողմից ընդունված կարգավորիչ դաշտից: Բոլոր որոշումները, մասնավորապես անդամակցության, դիտորդության, գործընկերության վերաբերյալ, ընդունվում են կոնսենսուսով: Եթե չկա մեկ անդամ պետության համաձայնությունը, իհարկե, որոշում չի կայացվի»,-հայտնել է Սեմերիկովը լրագրողներին: Սեմերիկովը նաև նշել է, որ ՌԴ փոխվարչապետ Բորիսովը չի բացառում Ադրբեջանի անդամակցությունը՝ ելնելով այն տեսակետից, որ «մեր դռները ոչ մեկի համար փակ չեն»: «Ցանկացած պետություն կարող է ցանկություն հայտնել անդամակցել, դիտորդի, գործընկերոջ դերում, բայց կան որոշակի սահմանափակումներ, որոնք սահմանված են կարգավորող փաստաթղթերով»,-նշել է Սեմերիկովը: |