ԱՄՆ նախագահ Դոնալդ Թրամփը հայտարարել է, որ չի նշանակի պետքարտուղար Մայք Պոմպեոյին Ազգային անվտանգության հարցերով խորհրդականի պաշտոնում: Լրագրողների այն հարցին, թե Սպիտակ տունը հաշվի է առնում Պոմպեոյի թեկնածությունը, Թրամփը բացասական պատասխան է տվել: Թրամփը նաև հավելել է, որ ներկայումս քննարկում է 15 թեկնածուի ընտրության հարցը: Ավելի վաղ՝ CNN հեռուստաալիքը հայտարարել էր, որ ԱՄՆ նախագահ Դոնալդ Թրամփը դիտարկում է պետքարտուղար Մայք Պոմպեոյին Ազգային անվտանգության գծով խորհրդական նշանակելու հնարավորությունը, ով համարվել է Ջոն Բոլթոնի գլխավոր մրցակիցը։ Այս դեպքում Պոմպեոն միաժամանակ կզբաղեցներ երկու պաշտոն։ |