Առողջապահության Համաշխարհային Կազմակերպությունը (ԱԿՀ) հայտարարություն է տարածել, որ անհայտ հիվանդությունից մահացել է Տանզանիայի մի բնակիչ:

Կազմակերպությունը իր ներկայացուցիչներին շտապ հետաքննություն անցկացնելու նպատակով գործուղել է դեպի Տանզանիա: Բացի այդ, ԱՀԿ-ն Տանզանիայի առողջապահության նախարարությանը խնդրել է լրացուցիչ տեղեկատվություն տրամադրել կատարվածի վերաբերյալ:
ԱՄՆ հիվանդությունների վերահսկման և կանխարգելման կենտրոնի մամուլի խոսնակ Ջասթին Ուիլյամսը հայտնել է, որ մահացած կինն ունի էբոլա վիրուսի, Դենգե տենդի և մալարիայի ախտանիշներ: «Այնուամենայնիվ, թվում է, որ սա այլ հիվանդություն է»,-հայտնել է իր մտահոգությունը Ուիլյամսը: