ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+11 °C, +5 °C ... +16 °C Վաղը`+20 °C
«Կառավարող ուժին խորհուրդ կտամ մանիպուլյացիաների չդիմել». Վահագն Ավագյան
03:30, 17.09.2019 | mamul.am
4271 | 0

«Սասնա Ծռեր» կուսակցության մամուլի խոսնակ Վահագն Ավագյանը ֆեյսբուքյան իր էջում գրել է. «Կառավարող ուժին խորհուրդ կտամ, Ամուլսարի հարցում իրենց տեսակետները հանրությանը ներկայացնելիս, մանիպուլյացիաների չդիմել: Առավոտյան աներձագն Ամուլսարի հանքի դեմ արտահայտվողներին «նախկիններ» և «քաղաքական դիվիդենտներ փնտրողներ» է անվանել:

Ամուլսարն իսկապես քաղաքական կարևոր հարց է, մասնավորապես` հայկական բիզնեսի ընդդեմ օֆշորային քրեաօլիգարխիայի, հայկական բնության ընդդեմ կասկածելի կապերի, 21-րդ դարի թվային տեխնոլոգիաների ընդդեմ միջնադարյան հանքարդյունաբերության, քաղաքակիրթ ժողովրդավարության ընդդեմ աֆրիկյան անօրեն տարածքի: Այս քաղաքական հարցում հայ ժողովուրդն ինքնիշխանի դիրքերից որոշում է կայացրել, և եթե կառավարությունը որևէ հիմնավորում չունենալով դիմի մանիպուլյացիաների, ապա այս քաղաքական հարցը դառնալու է կառավարության նկատմամբ անվստահության հարց, և այստեղ նախկինները որևէ կապ չունեն: Հակառակը, բոլորին ակնհայտ է, որ նախկինների ստվերային կոռուպցիոն գործարքների ուժով է ձեռք բերվել Ամուլսարի հանքի լիցենզիան, հետևաբար այս հարցում կառավարությունն է «նախկին»:

Առկա իրավիճակում իրավական երկրին հարիր երկու ճանապարհ կա.

1. անմիջապես դադարեցնել «Լիդիանի» լիցենզիայի գործողությունը,
2. պատրաստել հանրաքվե Հայաստանի ՄԻԱԿ իշխանությունների՝ հայ ժողովրդի կամքը պարզելու համար»:

Կիսվի՛ր այս նյութով՝
դեպի վեր