Եկատերինբուրգում ընթացող աշխարհի առաջնությունում այսօր ռինգ դուրս եկած Հայաստանի 2 բռնցքամարտիկներն էլ հաղթանակ տարան: 75 կգ քաշային Արման Դարչինյանը հաղթեց Սլովակիայի, իսկ գերծանր քաշային Գուրգեն Հովհաննիսյանը՝ Ավստրիայի ներկայացուցչին: Դարչինյանը դուրս եկավ քառորդ եզրափակիչ, իսկ Հովհաննիսյանը 1/8 եզրափակիչ: Հիշեցնենք, որ քառորդ եզրափակչի համար կպայքարեն նաև 52 կգ քաշային Արթուր Հովհաննիսյանը, 63 կգ քաշային Հովհաննես Բաչկովն ու 91 կգ քաշային Հենրիկ Սարգսյանը: |