+15 °C, +15 °C ... +27 °C Վաղը`+26 °C
Ղազախստանի մայրաքաղաք Նուր-Սուլթանի «Բարիս արենա» մարզադահլիճում ընթացող ըմբշամարտի աշխարհի առաջնության շրջանակներում երեկ տեղի ունեցավ 97 կգ քաշային կարգի եզրափակիչը, որտեղ ոսկե մեդալի համար պետք է պայքարեր Հայաստանը ներկայացնող Ռիոյի օլիմպիական խաղերի չեմպիոն Արթուր Ալեքսանյան։ Նա հրաժարվեց մենամարտել և չեմպիոն դարձավ Ռուսաստանի ներկայացուցիչ Մուսա Եվլոևը։ Աշխարհի կրկնակի չեմպիոն դառնալուց հետո Մուսան կիսվել է տպավորություններով․ «Աշխարհի առաջնությանը մոտեցել էի լավագույն մարզավիճակում և շատ եմ ցավում, որ չանցկացրի եզրափակիչ գոտեմարտը: Երկար էի պատրաստվել ու սպասում էի Արթուր Ալեքսանյանի հետ գոտեմարտին, թեև նախորդ տարի աշխարհի առաջնությունում հաղթել էի նրան: Շուտափույթ ապաքինում եմ մաղթում Արթուրին: Մինչև վերջին պահը չգիտեի, որ նա հրաժարվելու է եզրափակչին մասնակցությունից: Օլիմպիական խաղերի ուղեգիրն արդեն մերն է, սակայն տանը կա լուրջ մրցակցություն և պետք է հաղթահարել այդ փուլը: Հույս ունեմ, որ օլիմպիական խաղերում կպաշտպանեմ Ռուսաստանի գույները: Պատրաստ եմ ամեն ինչ անել՝ Տոկիո մեկնելու և Խաղերում հաղթելու համար»,- նշել է նա։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am